வெனிசுலா அதிபர் தேர்தலில் வெற்றி பெற்ற நிகோலஸ் மதுரோவுக்கு எதிராக எதிர்கட்சிகள் மோதல்.
வெனிசுலா அதிபர் தேர்தலில் நிகோலஸ் மதுரோ 51.2% வாக்குகளைப் பெற்று வெற்றி பெற்றார், எதிர்க்கட்சி வேட்பாளர் எட்மண்டோ கான்சலஸ் 44.2% வாக்குகளைப் பெற்றார். தேர்தல் ஆணையம் மதுரோவின் வெற்றியை உறுதிப்படுத்தியது. இதையடுத்து, மதுரோவின் ஆதரவாளர்கள் வெற்றிக்கான கொண்டாட்டங்களில் ஈடுபட்டனர். ஆனால், எதிர்க்கட்சி இதனை ஆதரிக்கவில்லை; அவர்கள் தேர்தல் முடிவுகளை மோசடியாகக் கருதுகின்றனர். எட்மண்டோ கான்சலஸ் 70% வாக்குகளைப் பெற்றதாகவும், அவர் நியாயமாகத் தேர்ந்தெடுக்கப்பட்ட அதிபர் எனவும் எதிர்க்கட்சிகள் தெரிவிக்கின்றன.
கராகஸ் மற்றும் பிற நகரங்களில் மதுரோவின் வெற்றிக்கு எதிராக ஆயிரக்கணக்கானோர் வீதியில் ஆர்ப்பாட்டங்களில் ஈடுபட்டனர், சிலர் அதிபர் மாளிகையை நோக்கி சென்றனர். இதனால் வெனிசுலாவில் பதற்றம் நிலவுகிறது. அமெரிக்கா மற்றும் சில தென் அமெரிக்க நாடுகள் மதுரோவின் வெற்றியை அங்கீகரிக்கவில்லை, ஆனால் ரஷியா, சீனா மற்றும் கியூபா போன்ற நாடுகள் அவருக்கு வாழ்த்து தெரிவித்துள்ளன.
