வோல்க்ஸ்வேகன் குழுமம், மின்சார வாகனங்களுக்கான லித்தியம் தேவையைப் பூர்த்தி செய்யும் வகையில், பேட்ரியாட் பேட்டரி மெட்டல்ஸ் இன்க் நிறுவனத்தில் 9.9% பங்குகளை வாங்கி, சுரங்கத் துறையில் காலடி எடுத்து வைத்துள்ளது. இந்த ஒப்பந்தத்தின் மூலம், வோல்க்ஸ்வேகன் அடுத்த பத்து ஆண்டுகளில் பேட்ரியாட்டின் கியூபெக் திட்டத்தில் இருந்து உற்பத்தி செய்யப்படும் லித்தியத்தில் நான்கில் ஒரு பங்கான 100,000 மெட்ரிக் டன் லித்தியத்தைப் பெறும். இந்த லித்தியம், வட அமெரிக்கா மற்றும் ஐரோப்பாவில் உள்ள வோல்க்ஸ்வேகனின் பேட்டரி ஆலைகளுக்குப் பயன்படுத்தப்படும்.
மின்சார வாகன சந்தை மெதுவாக இருந்தாலும், லித்தியம் விலை வீழ்ச்சியடைந்தாலும், வோல்க்ஸ்வேகன் மின்சார வாகனங்களுக்கான லித்தியம் ஆதாரத்தை உறுதிப்படுத்தும் நடவடிக்கையாக இந்த முதலீட்டை மேற்கொண்டுள்ளது. ஆஸ்திரேலியாவை தலைமையிடமாகக் கொண்ட பேட்ரியாட் நிறுவனம், கனடாவின் கியூபெக் மாகாணத்தில் ஒரு பெரிய லித்தியம் சுரங்கத்தை உருவாக்கி வருகிறது. இதற்கு முன்னர், இந்த நிறுவனத்தில் 4.9% பங்குகளை உலகின் மிகப்பெரிய லித்தியம் உற்பத்தியாளரான ஆல்பர்மார்லே கார்ப் நிறுவனம் வாங்கியிருந்தது என்பது குறிப்பிடத்தக்கது.
