தமிழக கூட்டுறவுத்துறை அமைச்சர் பெரியகருப்பன், அமித்ஷாவிடம் முக்கிய கோரிக்கைகளை முன்வைத்தார்.
தமிழக அரசின் புதிய அறிவிப்பின்படி, மத்திய உள்துறை அமைச்சர் அமித்ஷாவை தமிழக கூட்டுறவுத்துறை அமைச்சர் பெரியகருப்பன் இன்று சந்தித்து பல கோரிக்கைகளை முன்வைத்தார்.
கோரிக்கை பட்டியலில், NABARD மூலம் வழங்கப்படும் மறுநிதி உதவிகளை அதிகரித்து, மாநிலத்தில் உள்ள கூட்டுறவுகள் அனைத்துக்கும் கடன் அளிப்பதில் சிறந்த வசதிகள் வழங்க வேண்டும் எனக் கூறப்பட்டது. மேலும், கூட்டுறவு சங்கங்களுக்கு வருமான வரி TDS விலக்கு அளிக்கவும், கூட்டுறவு வங்கிகள் ஜி.எஸ்.டி.-யிலிருந்து விலக்கு பெற வேண்டும் என்றும் கோரிக்கைகள் உள்ளன.இந்த சந்திப்பில் கூட்டுறவு, உணவு மற்றும் நுகர்வோர் பாதுகாப்பு துறை கூடுதல் செயலாளர் டாக்டர் ஜெ.ராதாகிருஷ்ணன், மற்றும் கூட்டுறவு சங்கங்களின் பதிவாளர் டாக்டர் என்.சுப்பையன் உடனிருந்தனர்.
