அமெரிக்க மத்திய வங்கியான பெடரல் ரிசர்வ் தனது வட்டி விகிதத்தை குறைத்தாலும், எதிர்பார்த்த அளவுக்கு குறைக்காததால், இந்திய பங்குச் சந்தை கடும் வீழ்ச்சியை சந்தித்துள்ளது. இந்தியா மட்டுமின்றி உலகளாவிய பங்குச் சந்தைகளில் இது பெரும் அதிர்வலைகளை ஏற்படுத்தியுள்ளது. டிசம்பர் 19 அன்று, பிஎஸ்இ சென்செக்ஸ் மற்றும் நிஃப்டி 50 ஆகியவை முறையே 1.20% மற்றும் 1.02% என கடுமையாக சரிந்துள்ளன. இதனால், முதலீட்டாளர்கள் ரூ.4 லட்சம் கோடி இழப்பை சந்தித்துள்ளனர்.
வங்கி மற்றும் ரியல் எஸ்டேட் போன்ற வட்டி விகித மாற்றங்களால் அதிகம் பாதிக்கப்படும் துறைகள் இன்று கடுமையாக சரிந்துள்ளன. குறிப்பாக, நிஃப்டி வங்கி குறியீடு 1.08% சரிந்துள்ளது. இருப்பினும், பார்மா துறை மட்டும் 1.72% உயர்ந்து சிறப்பாக செயல்பட்டுள்ளது. சன் பார்மா மற்றும் டாக்டர் ரெட்டிஸ் ஆகிய நிறுவனங்களின் பங்குகள் அதிக லாபத்தை ஈட்டியுள்ளன.
